Pa e proximo temporada Hedwiges Maduro lo ta cu Almere City FC y como e coach principal. E ex futbolista internacional lo ta responasabel p’e 11 hungadonan di U-21. Maduro a firma un contract di 2 temporada, asina e team campeon di Keuken Divisie a bisa. E por combina su funcion hunto cu e assistent di coach di Oranje U-18.
Maduro di 35 aña a traha e ultimo temporadanan cu talentonan di Almere den guia di hobennan. Hunto cu esey e ta trahando pa logra haya e diploma di trainer mas halto. “Pa mi esaki ta un oportunidad bunita,” e futbolista a bisa. Den su trayecto di futbol el a hunga pa teamnan di Ajax, FC Groningen, Valencia y Sevilla.
“Mi a nace na Almere y mi tin un bon conexion cu e ciudad y club.” Desde cu Maduro a termina su carera di futbol, e ta traha como analista di FOX Sports. E canal di television a indica cu e ex futbolista lo ta bek cu nan p’e temporada nobo.
