Dr. Carlos Guerrero di Stemwell Bogota ta na Aruba pa asina duna un charla di medicina regenerativa den MFA Paradera. E ta conta cu esaki ta bay ta nan di 4 charla informativo pa henter comunidad y gratis.
Ta bay maneha temanan riba dolor, maneho di artrosis, artritis, dolor lumbar cu medicina regenerativa y cellnan mama. Tur loke nan ta bin ta haciendo den e Instituto Stemwell na Colombia.
Ta hopi pashent for di Aruba cu nan tabata por a trata cu resultadonan excelente. Pa e motibo aki, cada biaha e dokter ta biniendo frecuentemente, pa asina informa riba e tratamentonan aki.
Haya sa un tiki mas di medicina regenerativa awe nochi na MFA Paradera
Haya sa un tiki mas di medicina regenerativa awe nochi na MFA Paradera. Click link pa mas https://24ora.tv/2IibLxP
Posted by 24ora on Monday, June 3, 2019
Medicina regenerativa
Medicina regenerativa ta un di e ciencianan nobo cu ta traha ariba riba nivel mundial. Aki tin chens di coy e cel, dun’e activacion y un señal. Di e manera aki ta reintegra esaki den e curpa y bo mesun celnan ta loke ta tratando, mehorando y curando e patologianan cu Stemwell ta haci.Dr. Guerrero ta ciruhano ortopedista. Antes e tabata trata artoscopia, tur maneho di artrosis, hasta a haci transplante di rudia, cual ta ciruhianan hopi grandi. For di seis aña pasa, no ta haciendo reemplaso di rudia. Tur loke nan ta bin ta haciendo awo ta inyeccion cu stemcel, celulanan mama, tur e protocolnan cu nan tin. No solamente e colocacion di cellnan mama. Den termino general, cualkier persona medianamente capacita por haci esaki.
Stemwell tin un protocol cu nan a genera, cual ta realisa durante dos siman, cu un detox, nan ta haci algun terapia specifico cu laser di frecuencia halto, radiofrecuencia, y tratamento cu ta relaciona nan cu fisioterapia. Ta tuma celnan mama bao di anestecia y despues ta implanta den e pashentnan.Ta pesey nan tin bon resultado desde seis aña pasa den nan experiencia.
Medicina regenerativa ta pa ken
Tur persona cu tin patologia ortopedico, di color, no ta importa sexo y edad por bin na remarca pa medicina regenerativa. Bo por tin un patologia den bo jointsnan, den musculo, mirando cu bo ta deportivo y hoben y hasta cerca mucha, por haci un tratamento sin tin mester di cirugia. Hasta cerca e atletanan di 24 of 25 aña, atletanan ya madura y esnan cu no ta atleta mas, of cu tin algun patologia manera artrosis, cu ta limita e movecion di e pashent, tambe nan ta candidato. Nan tabata tin pashent, cu ta for di 6 te cu 93 aña.
Invitacion
Dr. Guerrero ta invita un y tur pa bin na MFA Paradera pa 7’or di anochi. E ta gratis. Unico cos cu nan tin cu haci ta yega na MFA, dispuesto pa siña hopi riba medicina regenerativa. Si bo tin un famia of abo mes ta pashent, diamars y diaranson, nan lo ta haciendo conferencia particular pa esnan cu kier sa mas al respecto y cu kier bay Colombia pa e tratamento naturalmente.
Awe nochi, despues di e charla, lo ta asignando e citanan cu nan ta considera prioritario. No lo por bay wak tur hende y entrevista nan. Loke nan ta bay ta haciendo despues, ta haci conferencianan cu videocalls for di Colombia, cual sigur ta yuda hopi.
Asina ta, pasa na MFA Paradera awe nochi y haya sa un tiki mas di e medicina regenerativa cu dr. Carlos Guerrero cu a bin for di Colombia, kende ta cla pa informa un y tur riba esaki.
