Kuerpo Polisial ta rekordá tur suidadano riba e proseso pa hasi denunsia, ku ta lo siguiente; Por hasi denunsia mas tantu posibel di forma digital. Pues e denunsiante ta pone su deklarashon riba papel i ta mail esaki pa e warda di polis di mas serka di unda e ta biba. Ta importante pa e denunsiante nota su nòmber kompletu i su number di telefòn den e mail.
Denter di un periodo kòrtiku, e denunsiante lo risibí un yamada pa un sita pa kaba di formalisá i firma e denunsia. Den kaso ku e denunsiante no por mail su denunsia, e por yama e warda di polis pa traha un sita pa bin hasi e denunsia personalmente na warda.
Ta importante pa e denunsiante bini riba e dia i orario ku el a haña sita pa bin hasi e denunsia. Den kaso di urgensia, e denunsiante por yega na un warda di polis pa hasi denunsia.
Email adrès i number di telefòn di e wardanan di polis:
Warda di polis Montaña : [email protected] 8666700
Warda di polis Rio Canario : [email protected] 8666800
Warda di polis Punda : [email protected] 8666300
Warda di polis Otrabanda : [email protected] 8666400
Warda di polis Barber : [email protected] 8666900
Departamento di Tráfiko : trá[email protected] 8666135, 8666137, 8666141
