Mainta tempran unidad motorisa atento riba caminda a tuma nota di un brommer cu tabatin un number un poco straño. Esaki a sosode rond di 8.30 di mainta na e pompstation riba L.G. Smith Boulevard. E Polisnan a tuma nota cu e cabayero tabata tank e Harley Davidson, pero e number riba dje ta uno bieu. A dicidi di bay control’e y a resulta cu e documentonan di e vehiculo caro aki no ta cuadra. Mesora a pidi takelwagen presenta pa hiba e Harley warda te ora cu e doño por mustra cu tur documento ta na ordo.
E cabayero a haya su mes ta keda na pia y ta busca lift pa yega su destino.
