Haciendo Parlamento “Coronavirus-Free” pa reunion

Ta sperando pa yama un reunion dialuna ainda pa atende sea ta inicio di Presupuesto 2020 of e fondonan special rond di e crisis di Coronavirus. Pa esaki a haci uzo di servicio di Total Cleaning pa desinfecta henter e sala, den anticipacion pa e reunion na caminda. Mester bisa cu tin Parlamentario ta teme pa e reunion aki, pa Parlamentarionan cu lo mester ta den cuarentena.

Por lo menos dos miembro di Parlamento a caba di yega di biahe. Un a bin di Hulanda y otro for di Panama. Ambos pais tin presencia di e virus aki, locual ta pone cu segun protocol, cu ambos Parlamentario mester ta den cuarentena pa 14 dia largo. Esey ta haci cu, mescos cu den otro paisnan, cu e dos Parlamentarionan aki mester keda cas y por ta den aglomeracion di hende.

No ta conoci con lo comberti sala di Parlamento pa por acomoda 21 miembro pa sinta na mas di 1 meter di distancia for di otro y acomoda e Ministernan y conseheronan cu lo atende e reunion importante aki di Parlamento. Ta conoci cu Gobierno ta pidiendo tur hende pa coopera y sigui instruccion y como tal por spera cu Parlamentarionan lo ta e prome nan pa duna e bon ehempel!