Diasabra anochi pa 10:30pm, clientenan di Silla Bar a pidi asistencia di Polis pa un señora burachi eyden haciendo masha fastioso. Polis tabatin masha dolor di cabes cu e señora berdad, cu no kier a rasona.
E bartender a splica e Polisnan cu nan mes a purba convence e señora pa e bay su cas pero no a logra. El a bira fresco cu tur hende eyden, pues pa evita problema a opta pa yama Polis.
A purba identifica e señora pero a duna Polisnan un fecha di nacemento na aña 2018, cu obviamente no ta cuadra. Den tur esey tabata papia bruha.
Mirando cu no tin forma pa yude, pa haya sa su adres of unda por hibe, a opta pa hibe Warda di Polis unda el a haya un cuarto gratis pa “pasa wayaba”.
