Awe ta tuma luga e prome evento di benta di auto di Yrausquin Motors, desde 2018. E evento ‘one stop shop’ ta di 9:00 am pa 1:00 pm y ta conta cu presencia di tur banco.
Tin auto den stock y e disponibilidad ta limita, pero tin diferente modelo. Si bo ta buscando un SUV cu ta carga shete pasahero, bo ta hay’e den e Mitsubishi Expander cu ta cuminsa na 49.950 florin. Tambe tin den stock Mitsubishi L200 Sportero, cual tin prijs special.
Bo modelo di auto preferi ta Ford? Yrausquin Motors tin esey tambe. E modelonan ta Ford Escape, Ford Edge, Ford Explorer y Ranger Raptor.
Tambe tin na benta auto di segunda mano. Tin variacion di auto cu e cliente por scoge entre nan.
Probecha awe y no warda pa januari ora BBO aumenta. Probecha awo dje stock cu Yrausquin Motors tin. Y mas cu claro probecha cu e banconan t’ey pa atende bo mesora y aproba bo financiamento.
No tin solamente auto na benta, pero tambe e clientenan por gana diferente premio. Incluso tin diferente promocion. Riba e modelo Ford Edge, Yrausquin Motors ta regala mantencion gratis di tres aña, incluso nan mes ta paga e plach’i number 2023. Tambe por gana premio cu scratchcard cu nan ta duna bo.
Asina ta yega awe te cu 1:00 pm na Yrausquin Motors y cuminsa busca bo auto nobo nobo pa 2023. Tur esunnan cu cumpra un auto lo haya un chens pa gana diferente premio. Yrausquin Motors ta regalando yen di special pa abo cuminsa e aña nobo cu un auto nobo.
