Habitantenan di Bushiri ta keha di calidad awa di WEB

Habitantenan di Bushiri, casnan di FCCA, pa mas o menos un siman tin keho riba e calidad di awa di WEB, cu ta haci nan malo.

Diahuebs personal di WEB tabata na e sitio unda a spula henter e sistema di distribucion di awa den e area residencial aki di FCCA. Inclusive door di e trabounan ey, a laga dos boter grandi di awa pa habitantenan di e compleho aki.

Riba e muraya FCCA a pone un mensahe pa e habitantenan. Ta informa cu tanto habitantenan como WEB a informa FCCA cu lo tin un problema cu e sistema di tubo dia wa. WEB ta haciendo diferente test pa mira si berdad e calidad di awa ta bon.

Varios habitante di Bushiri lo a bira malo

Varios habitante di Bushiri lo a bira malo. click pa mas info https://24ora.news/36HvaUJ

Posted by 24ora on Friday, May 29, 2020

Y ta pidi pa no cushina ni bebe e awa di WEB tanten cu e problema ta soluciona.

Tambe ta bisa e habitantenan cu si nan mira cu e color of smaak di awa ta straño tuma contacto mesora cu e compania estatal.

Algun habitante ta bisa cu e awa a haci nan malo, dunando nan problema cu stoma. Y esaki ta tumando luga pa algun dia caba. WEB a bin spula e sistema den e bisindario diahuebs. Tin habitante ta bisa cu e calidad a mehora pero no manera antes ainda.