Habitante di Paradera: Pone polis drumi pa autonan stop di drift

1794

Na Paradera tin algun habitante cu ta preocupa p’e situacion cu desde hopi tempo nan ta pidi pa polisnan drumi den nan caya. Aña pasa a pone algun polis drumi, pero na e parti cu ta menos peligroso.

Segun Zulaika Rozenberg, habitante di Paradera, e parti di mas peligroso ta na e entrada pa bay Nuñe. El a splica cu na momento cu autonan lora, automobilistanan ta draai auto completamente dilanti su cas y esun di su wela. Un auto a dal den cura di e cas di su wela, consecuentemente a basha esaki abou.

Desde mas di dies aña nan ta pidi pa pone polis drumi, pero despues di algun tempo a bin pone. Pero net dilanti su cas no a pone, ya cu na momento cu automobilista lora, nan ta bay abou y ta drift riba e caminda te yega e otro polis drumi pa sigui nan caminda trankil.

Nan ta preocupa p’esaki, door cu den curanan sa tin hopi mucha ta hunga. El a indica cu e no ta bay pidi cada automobilista pa core mas trankil. Door di a basha abou e cura, e sa cu e peliger ta mas cerca.

Habitante di Paradera: Pone polis drumi pa autonan stop di drift

Habitante di Paradera: Pone polis drumi pa autonan stop di drift. Click e link pa mas http://24ora.news/2MfxfkQ

Posted by 24ora on Friday, January 22, 2021