Un habitante ta construyendo un cas na Palm Beach y e ta percura pa mantene rond di e cas limpi. Pero otro no ta importa unda nan ta yega tira sushi. Y esey ta loke a pasa, unda hende simplemente a yega tira sushi patras di su cas.
E ta kere esun cu pa haci e cos ey, a pasa patras di e cas y tira e sushinan eynan. E ta haya cu esaki ta un mahos bista, pa motibo cu e turistanan cu ta keda den hotel luhoso, por mira esaki di leu tira den mondi. Ta birando di mas cu hende awo ta tirando sushi unda cu ta, pasobra dump ta cera y awo mester bay na compania priva pa tira sushi.
E habitante ta haya cu gobierno mester handle e cuenta di tiramento di sushi. Awo tin hende no ta worry mas y ta tira sushi unda cu ta. E habitante ta haya cu si e mester keda keto riba e situacion aki, dia di mañan mas hende lo yega eynan y haci mesun cos.
Na diferente ocasion gobierno a trece padilanti unda mester bay pa tira e sushinan, pero tambe cu mester sa ki sushi mester tira n’e companianan priva. Riba e website di trash to cash tin poni un total di diesdos luga pa tira desperdicio, di cual ta indica tambe ki tipo di desperdicio por ta entrega na cada un.
Dump ta cera caba pa un luna y ta un tardansa pa pueblo custumbra cu e sistema di cambio despues di 70 aña.
