Guardian Group Fatum ta cla pa yuda e comunidad di Aruba pa medio di ARUBA DOET. Diasabra 16 di maart e team di Guardian Group ta forma parti un biaha mas na e evento di boluntario di mas grandi na Aruba cual ta Aruba Doet.
Guardian Group Fatum lo yuda ROSARIO COLLEGE cu pintamento di weganan ariba tereno di scol. Tur aña e actividad di Aruba Doet ta trece un dynamica entre e empleadonan y ta yuda fortifica e “team spirit”. Gerencia di Guardian Group Fatum ta super orguyoso di cada empleado cu ta participa boluntariamente na e proyectonan aki y gradici nan pa nan colaboracion den weekend.
Guardian Group Fatum ta motiva y recommenda tur compania pa registra y participa como colega pa asina contribui na un mihor relacion entre empleadonan y alavez bo ta yuda nos communidad. Hopi exito na tur cu lo participa y yuda cu Aruba Doet 2019 y Pabien tambe na e organisacion Aruba Doet y su team dynamico.
