E consecuencianan di e pandemia Corona / COVID-19 ta visibel mundialmente. Den temponan dificil manera awor, solidaridad ta di gran importancia. Algo cu Guardian Group Fatum ta tuma hopi na serio. Entrante awe nos kier brinda alivio manera ta sigui:
- Como nos cliente ta posibel pa haya mas tempo pa cumpli cu obligacion di pago;
- Normalmente Guardian Group Fatum ta tene cuenta cu 1 luna y entrante awe nos lo ahusta esaki temporalmente pa 3 luna;
- Ta mas cu claro cu nos lo evalua cada caso pa asina bin na un palabracion mutuo.
Dunando un poco mas tempo na nos clientenan pa cumpli cu nan pago, nos ta spera di por yuda alivia cu contratiempo financiero, debido na e crisis cu nos ta enfrentando mundialmente. E decision aki ta temporal y nos ta reserva e derecho di hasi cambio. Pa mas informacion por yama whatsapp 7383100, fb message Guardian Group Dutch Caribbean of manda un email na [email protected]
