E aña aki Guardian Group Fatum a celebra su di 7 edicion di My Guardian Group Walk & Run. Un diadomingo mainta tempran na unda cu bo por a mira y sinti un ambiente di competencia y passion pa e deporte entre e participantenan.
Un “warm up session” bou guia di Darrel Werleman di Muscles and Lungs a prepara varios coredo y canado. E evento a inicia na momento cu CEO di Guardian Group Dutch Caribbean Sr. Diego Frankel a los e tiro di salida pa 10 Km Run y 5 minut despues Managing Director Aruba Sra. Barbara Pochettino, di Guardian Group Fatum Aruba a los e tiro di salida di e 6km Run and Walk.
Un total di 2160 participante ariba 2 ruta diferente na unda despues a encontra otro na altura di Ban Ban Cafe y a continua pa yega final ariba e parkeerplaats di Guardian Group Fatum. Na final tur coredo a disfruta di bebida Gatorade di Romar Trading y koffie y te di Smit & Dorlas, y un dushi sopi di pampuna prepara pa Divi Resorts/Alhambra Ballroom pa e participanten hidrata y haya forsa bek. E participantenan a wordo brinda un variacion di fruta cu a cay hopi na smaak.
Guardian Group Fatum a hasi donacion na 3 diferente instancia cu ta traha incansabel pa yuda nos bestianan ariba caya y steriliza nan: Animal Rights Aruba, Sgt. Pepper’s Friends y Nine Lives Foundation. Cada un di e instancianan a keda sumamente agradecido pa ricibi e donacion aki y asina sigui eherce nan trabou y yuda paga gastonan na e diferente veterinarionan.
E ganadonan absoluto masculino y femenino 6 KM ta Jonathan Busby y Kirah Regales y e ganadonan absoluto masculino y femenino 10KM ta Alexander Hodge y Lana Gobert di My Guardian Group walk and run Aruba 2019.
My Guardian Group Walk & Run a reparti e premionan pa e coredonan overall masculino y femenino pa e 2do y 3er lugar na e siguiente corredonan den categoria 10km masculino : 2do lugar Kelvin Gama Gonzalez y 3er lugar Rick James y 10km femenino: 2do lugar Yuli Tineo y 3er lugar Mileydis Verdecia. Den categoria 6km masculino: 2do lugar Ludwig Dirksz y 3er lugar Zhyon Geerman y 6km femenino: 2do lugar Vanessa Harms y 3er lugar Meggie Banwarie.
Resultadonan ta ariba fb di Guardian Group https://results.sporthive.com/events/6540830056137059840/races/460427/bib/1140
Premionan pa overall 1er lugar masculino y femenino 6km:
• Ticket Curaçao, registracion pa My Guardian Group Walk & Run dia 27 di Oktober 2019.
Premionan pa overall 1er lugar masculino y femenino 10km:
• Ticket Sint Maarten, hotelstay pa 2 anochi y registracion pa My Group Walk & Run dia 23 di Juni 2019.
Guardian Group Fatum ta gradici inmensamente tur persona y tur e instancianan cu contribui pa por a realisa e di 7 exitoso Walk & Run na Aruba. Principalmente departamento di trafico di KPA, Rode Kruis, Motor Unit, Ibisa y Aruba Triathlon Association pa saca y guia e careda pa tur participante cu seguridad. Sportz4U, White Sharks Baseball Team, Animal Rights Aruba, SISS bou guia di Ivonne Pourier y coleganan voluntario y di Guardian Group cu a zorg pa sorteer tshirts, registracion di mas cu 2mil hende, preparacion diasabra y setup y mucho mas! Danki special ta bai pa Scouting Aruba cu a yuda tene ambos ruta limpi. Nan tawata banda di caminda bou guia di Caroline Croes. Danki pa boso aporte valioso cu a haci e evento aki un bes mas exitoso!
