Un grupo di ciudadano, kendenan ta amigo di Roberto Hernandez Peña, a presenta na Bestuurskantoor pa mustra nan solidaridad, door di entrega un carta di protesta na minister di Husticia, mr. Andin Bikker.
Den oranan mas trempan Hefe di Guarda nos Costa, Richard Kramers a duna su reaccion riba e situacion y e motibo cu no a drech’e ya cu e persona aki no a manda na tempo su peticion di permiso.
Walmer Sanchez, kende ta colega di Hernandez Peña, a bisa cu loke miniser a bisa durante un entrevista no ta berdad. El a expresa cu durante e huicio nan tabata mas of menos diescinco hende cu tabata pafo pa warda riba e decision di hues. A detene Hernandez Peña pa ta un ilegal, pero amistadnan di dje ta bisa cu esey no ta berdad.
Hernandez Peña tin shete aña na Aruba y tin seis permiso caba. Un biaha mas el a manda su peticion pa permiso y a haci esey algun luna prome cu esun caduca. Pero pa motibo di e situacion di COVID, e procedura di DPL a tarda hopi. El a haya un contesta shete luna despues.
E amistadnan ta pidi pa ley cana manera mester cana, pasobra Hernandez Peña a cana su camindanan corecto. E proceso a pega pa motibo di cambio di firma di trabou, pasobra el a cambia di trabou. Segun Sanchez, na momento cu a detene Hernandez Peña, e no tabata traha.
