Grupo SantAna a gana competencia Dream Dare Do

Diadomingo ultimo tabatin final di e proyecto Dream Dare Do. Julie Emerencia, Hefe seccion Implementacion di DCA, a splica cu for di juni ultimo a bin ta organisando tayernan na Scol di Arte na San Nicolas, unda hobennan a haya entrenamento den diferente disciplina di arte y tambe di liderazgo. E tayernan aki tabata pa Dream Dare Do, cu ta cay bou di Popcorn Club. Departamento di Cultura Aruba cu ta haci Gang di Arte tur aña, a uni na e proyecto aki. “Nos a haci e tayernan hunto.”

Gang di Arte a cuminsa na 2007 y Dream Dare Do ta di Popcorn cu a cuminsa na 2011. “E dosnan aki tin casi mesun meta. Normalmente Dream Dare Do no tin competencia, pero door cu nan a uni nos a dicidi di haci un competencia pa e publico mira tambe kico e hobennan participante a siña di e tayernan.

Grupo SantAna a gana competencia Dream Dare Do

Grupo SantAna a gana competencia Dream Dare Do. Click link pa mas https://24ora.tv/2MWyL9O

Posted by 24ora on Monday, August 12, 2019

E participantenan a wordo parti den cinco grupo y e tarea cu nan a haya ta pa traha riba un “musical.” A saca premio di e grupo mas creativo cu ta e grupo ganado tambe, esta Grupo SantAna bou direccion di Os Correa. E ta un “musical” cu nan mes a crea. Di dos lugar tawata The greatest showman y na di tercer luga tawata Alladin

Esaki ta un proyecto cu DCA ta haci den vakantie grandi pa e hobennan ta “bezig”, pero durante aña e hobennan sa duna diferente presentacion. E proyecto aki tabata un exito pa cual DCA tin pensa di sigui traha cu Popcorn Dancers.

E elenco di hurado tabata consisti di Faatme Faarup Rigaud, Addonsito Croes, Joan Danies, Franklin Edmundo Kock, Shaila Genser y tambe tawata tin miembro di hurado internacional manera Joontje Kock di Francia, Alberto Groeneveldt cu a bin di Hawaii y Endrick Panneflek cu a bin di Hollywood.

Comments

comments