Grupo Pegasaya celebrando 35 aña di existencia

Cuminsando for di diadomingo ultimo, miembronan di Grupo Pegasaya ta biniendo hunto tur anochi den un actividad pa recorda nan 35 aña di existencia.

Filomena Emerencia, Presidente di Grupo Pegasaya di Paradera, a splica cu basta tempo atras tabatin Club Caiquetio na Paradera, unda tabatin actividad pa hendenan di tur edad. Ora cu Club Caiquetio a cera, a keda un bashi grandi den Paradera. E damanan tabata kier a haci algo specificamente pa e grupo di hende muhe. Asina nan a bini hunto pa lanta e organisacion. Tur diaranson nan ta bini hunto.

Prome nan a cuminsa pa siña tur loke cu tin di haber cu yama un reunion, con ta notula y kico pa haci despues. Ora cu nan tabatin e parti aki domina, nan a cuminsa busca conocemento riba diferente tereno, cu charla unda nan ta haya informacion amplio. Tambe nan a yega di organisa diferente actividad pa recauda fondo cu cual nan ta biaha hunto pa conoce mundo.

Grupo Pegasaya celebrando 35 aña di existencia

Grupo Pegasaya celebrando 35 aña di existencia. Click link pa mas https://24ora.tv/2Mt4aB4

Posted by 24ora on Tuesday, August 20, 2019

Mayoria di e miembronan tin mas cu 30 aña miembro di e organisacion mustrando asina e laso estrecho cu nan tin cu otro. E grupo ta tiki pero no ta tuma mas miembro. E grupo, el a splica no a cuminsa como 60+ sino un grupo di amanan di cas cu kier a haci algo hunto un biaha pa siman. P’esey no ta tuma miembro nobo. “Nos ta bira bieu hunto.”

Nan a cuminsa e celebracion diadomingo cu un desayuno, a sigui dialuna cu Seso Sport; diamars tabatin wega di palabra, diaranson misa, diahuebs dinner y diabierna tin e Afterparty.

Comments

comments