Grupo di Dakota: A hinca hoben banda di Cas di Cultura

Diadomingo den oranan di atardi prome cu 4or a drenta informacion di un hincamento na Cas di Cultura. Polisnan a bay pura na e sitio. E unidad di Arestatie Team cu a yega a topa cu un hoben herida cu varios corta y hinca den barica.

E tabata tin algun amigo cune. A busca informacion mesora. El a splica cu tin un grupo di hoben cu a bringa cune. A dal e victima cu bloki. Nan a sali di Dakota cana bin abou y topa cu e bringadornan cu a dalnan cu bloki corta cu arma blanco. 

Den e proceso nan a corte y hinke tambe. E grupo a coy banda di Plaza Betico bay nort. A cuminsa un buskeda. Segun e splicacion, den e grupo tin un hoben femenino cu parce macamba. E miembronan di Arestatie Team a sali pa busca e grupo cu a comete e crimen. Banda di Anasastraat a topa cu nan.

A pone tur plat na tera. Mesora nan a cuminsa basha abou cu ta un tal G Reyes amigo di nan bisti cu Shirt blauw a hinca e victima. E mes a sigui bay direccion Nikky Beach. A separa tur e cuater sospechosonan. A keda di bay busca e di cinco. Den auto separa a transporte e cuaternan deteni den Anasastraat.

E victima mes su mama a bin topa cune banda di Cas di Cultura. El a compañe den ambulance pa Hospital. Recherche di Playa a ser avisa pa presenta y cuminsa investigacion riba e caso.

Polis a detene 4 sospechoso di maltrato pisa y bringamento den gang na Dakota.

Polis a detene 4 sospechoso di maltrato pisa y bringamento den gang na Dakota.

Posted by 24ora on Sunday, February 3, 2019