Segun Michael Williams di Grupo di 7, Gobierno mester compronde cu pasobra cu e partido di Gobierno mas grandi, cual ta partido MEP, nan a kere cu Grupo di 7 ta pertenece na nan.
Nan a kere cu Grupo di 7 nan ta nan popchi di hunga politica cun’e. Pero Grupo di 7 ta mustra cu akinan no ta ni cumpra ni bende. Bagamunderia, corupcion, horta placa di pueblo, haci cu deshaci cu placa di pueblo ta stop desde awe.
Relacion den pasado
Gobierno a laga sa cu si Grupo di 7 bay riba caya, nan tin cu baha man. Si nan bay riba caya, ta manda Belastingdienst riba nan.
Michael Williams a expresa cu Grupo di 7 no ta dobla. Ningun gobernante, ningun di esnan cu ta den gobierno, cu ta kere cu Grupo di 7 ta bay baha pasobra cu ta bin cumpra nan cu cualkier mangel, of algo otro, hamas, segun Williams.
Grupo di 7 ta kere cu e pais cu ta yama Aruba, merece hopi cos miho cu esaki. Nos tin oportunidadnan grandi cu e pais aki. Nan a bisa cu nan tin un plan. Nan a bisa cu nan por miho. Nan a bisa cu nan si ta e cambio y bo por mira un tristesa.
Bo ta mira un tristesa den tur bario. Bo ta bay San Nicolas, bo ta mira e refineria, unda cu bo ta mira con nan kier bay kita e terenonan di esnan cu ta haci deporte di drag y pakico.
Ta pasobra cu nan tin nan plan. Nan plan di yena saco y sigui horta e pais aki. Y e minister Otmar Oduber, cu tabata caba den e fechorianan di Fondo di Desaroyo y hues a lag’e bay, e biaha aki e no ta scapa.
Bo kier bin cu un incinerator riba dump, unda cu bo sa cu no tin suficiente sushi. Bo ta bin cu un incinerator cu bo kier forsa y bo ta puntra bo mes unda pueblo ta bay saca e placa.
Grupo di 7 a critica klinker, a critica diferente cos den pasado y awe bo por mira cu pueblo tin cu bay paga y e berguensa mas grandi di e gobierno aki ta, cu nan ta drenta den bo saco, pa saca placa for di bo saco y nan no kier pa e comerciantenan pone e riba e recibo ta cuando extra bo ta paga. Cuanto bo ta paga na BBO, cuanto bo ta paga na BAVP. Esaki no ta BAVP, sino BFriends & Family di MEP.
Gobierno tin miedo di Otmar Oduber
Gobierno tin miedo pasobra dialuna tabata tin un discusion den ministerraad y e discusion tabata falto. Corupcion di Otmar Oduber mester sigui tambe den proyecto di John F. Kennedy, unda cu e kier dicidi ken ta bay cobra, ken ta bay traha y ken ta bay controla.
Aki, Willems a menciona, ora cu un prome minister, cu a para bisa cu tin corupcion cu a bisa cu Otmar Oduber a haci diferente fechoria. Awe ta dobla y no sa con pa dobla, pasobra nan tambe ta cobra. Nan ta cobra den tur locual cu nan ta haci na Elmar, nan ta cobra na diferente caminda.
Ora cu e prome minister ta pone su famia cu tabata y a bay cera pa hasta pa rapemento di mucha chikito, bo ta pone nan dilanti di otro hende of yiunan di otro Arubianonan cu ta studia y ta bin cu nan diploma, esaki no ta cambio, segun Williams.
Nan a yena e departamento cu Friends & Family y esey tampoco no ta cambio. Grupo di 7 ta contra di esey, di cualkier gobierno anterior y di esaki tambe, cu nan mes a vota p’e.
