Awe tardi un grupo di hende a acudi na e yamada di Grupo di 7 pa protesta contra Lotto pa Deporte. E grupo ta contra cu ta traha cu e Canadesnan, despues cu Gobienronan desde 1999 ta trahando cu Canadian Bank Note. Tambe cu e directiva tin un suma di 600 mil florin pa aña na nan disposicion. Sinembargo, e grupo tabata masha limita y despues di un rato a bandona e sitio.

Directiva di Lotto a menciona algun siman pasa caba cu di e suma aloca, mas o menos 300 mil florin pa aña ta bay pa paga Tele Aruba pa transmicion di e sorteonan dos biaha pa dia. Tambe pa mantene Aruba Entertainment Center y otro edificionan cu ta resorta bou di e fundacion. Nan ta lamenta cu Gobierno no a sinta cu nan ainda, pero si ta insinua asuntonan cu no ta berdad. Dor di manda hende protesta, ta zona manera un anarkia, debi cu ta bay contra un sentencia di Hues.

Grupo di 7 tabata kibra den e manifestacion. Por lo menos un di su miembronan a yama for di Surnam na radio y conseha nan pa no bay mas pasobra e informacion cu nan tin no ta cuadra, pero un grupo a opta pa sigui toch.

Comments

comments