Gremionan comercial a manda un carta colectivo na Prome Minister mr. Evelyn Wever-Croes relaciona cu intencion di Gobierno pa aproba e Reforma Fiscal awe den Parlamento. E gremionan contra e forma di inclui BBO den prijs di productonan ta Camara di Comercio, Aruba Time Sharing Association (ATSA), Aruba Hotel And Tourism Association (AHATA), San Nicolas Business Association (SNBA), Aruba Gastronomic Association (AGA), Insurance Association of Aruba (IAA) y Aruba Jewelers Association (AJA).
E gremionan ta pidi pa Gobierno studia e ley aki miho, pa delibera cu nan como stakeholder prome cu djis pasa e cambio den ley sin mas. Nan kier evita cu ta obliga nan pa kita e cobransa di BBO for di e recibo. Manera cu e ta awo ta mas transparente.
