Gregory Fung-A-Fat: Ta importante pa stimula hende planta na cas

Comercio tin preocupacion pa loke ta e prijs caro cu ta aumentando pa loke ta fleta. Gregory Fung-A-Fat, presidente di United Farmers Aruba, a comenta cu en principio e ta un oportunidad. Por carga cierto cos pero mester tin bon procedura di kico por y kico no por.

Manera cu hopi hende sa, por a scucha por ehempel di strawberry, cu no mester bira un prioridad. Mester bay mira ki tip’i cuminda kier y na ki escala. Escala chikito ta costa mas cu escala grandi.

Si mira kico ta pasando mundialmente, en general ta cu cos ta birando caro. No solamente pa transporte, pero tur cos ta birando caro. Esaki a cuminsa papia prome cu e parti di pandemia.

Ainda tin hopi cos cu a atende cu por bisa cu tin un plan di accion.

PLAN DI ACCION

Segun Fung-A-Fat, loke ta basico sigur ta bon pa planta na Aruba, manera lechuga, tomati, promenton, concomber, etc. Pero tin hopi cambio cu a tuma luga den e ultimo luna y añanan, manera ROP, etc. cu por causa cu tin un insiguridad. Esey ta loke ta importante pa tin un plan, no solamente riba papel, pero un plan di accion.

Pa loke ta e situacion cu tin mundialmente, e asociacion ta sinti cu e demanda ta keda subi pa productonan local. Pero tambe ta mira cu no tur hende ta planta hopi variedad. Por ehempel tur hende ta plantando lechuga. Si tin un bon comprondemento di loke gobierno kier yega na dje, por ta por haya cierto hende ta planta lechuga of ki otro producto cu ta, cu ta trece variedad. P’esey ta importante pa e hendenan cu ta hobbyist cu ta planta na cas, tambe por den un manera of otro haya un stimulacion, Fung-A-Fat a splica.

Pa cobertura mas amplio lesa TREMPAN dialuna.