Grandinan di Stichting Hope a celebra nan di 3 aniversario riba boto

Diadomingo clientenan di HOPI a haya un trip riba lama, como parti di nan actividadnan pa relaha y disfruta di diadomingo di un forma placentero.

Miranda Trimon ta directora di Stichting Hope, cu ta un Cas di Anciano, cu ta percura pa grandinan cu demencia of tambe cu tin malesanan cronico. Nan tin un maximo di 20 cupo, sinembargo nan no ta hayando subsidio. Asina mes nan tin famianan cu ta yuda contribui pa actividadnan, manera esun di diadomingo riba Sail Away y tambe pa donacionnan pa e trip.

Grandinan di Stichting Hope a celebra nan di 3 aniversario riba boto

Grandinan di Stichting Hope a celebra nan di 3 aniversario riba boto
https://24ora.tv/2Z7Ln0h

Posted by 24ora on Sunday, August 18, 2019

 

Debi cu e casa di Trimon ta traha riba e boto, a logra drenta den contacto cu e gerencia y a haci e trip aki posibel.

Ta tres aña pasa a tuma over e cas di anciano. E exito ta pa e felicidad di e grandinan, y cu amor ta duna e cuido. Tambe nan tin un dokter y un terapeuta den cas. Nan tin un netwerk di botica y ta traha cu SABA y Cas Marie. En todo caso nan tin nan contactonan estrecho pa asina percura pa e grandinan y cu nan por haci cosnan leuk den nan fase mas laat di nan bida.

Segun Trimon nan ta haya e envolvimento di e grandinan hopi bon y tambe cu e famianan ta envolvi. Awe sigur nan ta bay tin un bunita fiesta pa e grandinan, na e ocasion aki.

Stichting Hope ta haya cu ta importante pa duna cuido na e grandinan cu realmente tin mester y ta desea esaki. Na final, nos tur ta bira bieuw. Trimon a menciona cu nan a crea un luga caminda cu e y su casa lo keda ora nan bira grandi.

Durante di e evento di awe, nan tin varios boluntario cu a coopera, p’asina yuda haci e dia aki, pa e grandinan contento durante e trip.