E directiva a bin cu e iniciativa di Aruba Museum of Play na januari y e idea tabata pa bin cu un museo pa mucha na Aruba. Desde cu a bin cu esaki, e proceso tabata uno basta largo. Na momento di lansa e proyecto na januari, a haya un bon reaccion for di pueblo di Aruba.
Nan a pensa pa haci algo prome cu yega na e museo mes, unda ta duna pueblo di Aruba un taste pa sa kico e museo di mucha ta, asina Reuella Reeberg, miembro di Aruba museum of Play, a bisa. Pa 1 dia nan a bin cu e exhibicion di un Pop-Up, pa mustra kico e ta. Alavan a bishita e PopUp Camp y a haya esaki hopi leuk. Tabatin diferente cos cu por haci manera verf, siña hopi cos.
E camp tabata pa muchanan di 1 te 10 aña, pero nan a haya hopi mucha chikito. Nan tabatin 6 area unda e muchanan por a hunga, pero e concepto di esaki ta cu por hunga y na mes momento siña. E muchanan por a mishi cu tur cos, hunga cu tur cos pero siña den e proceso aki
E iniciativa aki tabata uno hopi leuk, ta temporada di vakantie y hopi hende no por biaha, asina Star, bishitante di Pop Up Camp, a bisa. E ta haya importante e desaroyo y educacion di muchanan, unda cu nan por haya nan habilidad y motor. Esaki ta algo cu falta na Aruba y ta spera di mira mas di esaki.
Segun Reeberg, nan lo tin cu haci mas Pop Up asina aki pasobra den dos dia ya caba nan tabata sold out. Hendenan no tabata sa kico e ta, pero a registra y presenta, unda a mustra interes den esaki. Lo sigui bin cu esaki te ora tin nan mesun localidad p’e museo pa mucha. Pa mas informacion por haya esaki riba nan Facebook Page Aruba Museum of Play.
