Google ta raporta menos (-88%) aglomeracion publico na Aruba

Varios pais a dicidi di implementa diferente strategia pa sea combati y of frena e efectonan di Covid 19. Google a dicidi pa duna un man pa midi e diferencia den aglomeracion di hende na diferente pais incluyendo Aruba den diferente sector. Pa loke ta e categoria di bishitantenan di tiendanan, restaurant y lugarnan di recreacion esaki a baha cu 88% na Aruba.

Si compara e mesun categoria cu Hulanda esaki a baha cu 65% y na italia cu 94%. Pa loke ta e categoria di bishitanan pa negoshinan manera supermercado y botica esaki a baha cu 66% na Aruba. Aunke cu na Aruba por mira aglomeracion na algun supermercado, por bisa cu esaki no ta pa e mayoria. Tambe ta nota cu ta hasi hopi compras pa bishita e sitionan menos frecuente.

Na Hulanda e categoria aki a baha cu 29% y na italia cu 85%. Pa loke ta bishitanan na beach, parke, marinanan etc esaki a baha na Aruba cu 80%. Na Hulanda esaki a baha cu solamente 30%. Na Italia cu 90%. Pa loke ta e midimento di keda cas, esaki naturalmente a subi. Na Aruba esaki a subi cu 11%. Na Hulanda e la subi cu 24% y na Italia e la subi cu 20%. Si analisa e categoria di ta na trabou, na Aruba esaki a baha cu 72%. Na Hulanda esaki a baha cu solamente 35% y na Italia esaki a baha cu 63%.

E data aki cu Google Location a raporta ta usa e periodo di January 3 – February 6 2020 como base. Cada 3 dia e rapport ta update di nobo. E data aki cu nos ta comparti ta for di e rapport mas recien (Maart 29 2020).
Varios departamentonan di Gobierno ta haciendo uso di e informacionan cu Google y su tecnologia ta brindando pa asina tuma diferente decision y pa analisa e resultado di e decisionan. 

Aki por download e rapport completo pa Aruba.

Loader Loading…
EAD Logo Taking too long?

Reload Reload document
| Open Open in new tab

Download [44.41 KB]

Foto: Cortesia David Troeger