Gobièrnu ta garantisá kalidat di supervishon di enseñansa

Durante e tres dianan di e siman aki Inspekshon di Enseñansa di Kòrsou a fungi komo anfitrion pa e asina yamá CAST, un inisiativa di koperashon entre Kòrsou, Aruba, St.Maarten i Hulanda (BES).

Den e kuadro aki e paisnan ta reuní riba base anual den forma di konferensia di trabou kaminda ta trata diferente tema i tópiko relevante.

E temanan i tópikonan tabatin referensia riba e.o. kalifikashon di enseñansa di fishi, análisis di riesgo, supervishon di enseñansa, e traspaso i fluho di hóbennan di skol speshal VSO/ZMLK, kuido di kalidat interno (interne kwaliteitszorg) di e órgano di Inspekshon.

Minister  di Enseñansa, Siensia, Kultura i Deporte, sra. Marilyn Alcalá-Wallé a hasi uso di e oportunidat pa gradisí Inspekshon di Kòrsou, su Direktor sra. Rubia Bitorina pa e forma profeshonal ku nos Inspekson ta funshonando, ku den gobièrnu sigur e unidat aki por fungi komo modelo pa hinter e aparato gubernamental.

Tambe Minister a yama bon biní na e partnernan den Reino i a informá di ta enkantá ku huntu e diferente órganonan di Inspekshon por fortifiká otro.

Comments

comments