Gobierno wardando luz berde di SOGA pa cuminsa investigacion di proyecto HOH

E preocupacion di Gobierno pa e proyecto renobacion y ampliacion dr. Horacio Oduber Hospital ta existi ainda. Esaki apesar cu tur e partidonan concerni a bini hunto den un reunion na Parlamento.

Hopi informacion a keda suministra, pero esaki no a kita e preocupacion cu e mandatario tin pa tanto cos cu e ta bisa a bay robes.Na final “nos ta bay paga casi un biyon florin pa un hospital, cu ora bo papia cu sindicato y esnan cu tin experencia den construccion, cu simplemente no bal e placa ey.

Gobierno wardando luz berde di SOGA pa cuminsa investigacion di proyecto HOH

Gobierno wardando luz berde di SOGA pa cuminsa investigacion di proyecto HOH. Click link pa mas https://24ora.tv/2MMXcVt

Posted by 24ora on Tuesday, October 15, 2019

Nos a bisa caba cu e proyecto aki no a cana bon for di momento cu tabatin e destaho publico, otorgando e proyecto na e contratista Arellano, cu ta un compania relativamente chikito en comparacion cu e otro companianan cu a bid pa e proyecto.”E mandatario a cuestiona expresion haci pa e director di Arellano, kende a bisa cu nunca e tabatin contacto cu Gobierno di Aruba. Minister a desmenti esaki, pasobra tabatin reunionnan ta tuma luga regularmente (tur luna). Arellano tabata presente y tambe representante di Gobierno. “Mi no sa di unda e ta saca cu nan no tin contacto cu Gobierno mientras cu Gobierno tin su representante eyden. Ami no t’ey pero nos representante t’ey, mescos cu tabata sosode cu e Gobierno anterior.”

Minister Oduber a bisa cu nan kier cooperacion di tur partido envolvi y e ta pensa cu si no tin nada di sconde, niun partido lo por tin problema pa coopera. A manda SOGA un carta pidiendo tur cooperacion cu un investigacion y si nan duna luz berde, mesora e investigacion ta cuminsa. Pero sin SOGA no por haci investigacion. Ya caba a papia cu AZV pa financia e investigacion, pa mira si berdad e destaho a cana segun regla, si ora di otorga el a bay segun reglanan di Bon Gobernacion y Integridad, si tur material uza ta segun palabracion y si e proyecto bal e placa.Pa loke ta parti di mantencion, el a bisa cu tin un acuerdo entre Gobierno, SOGA y Hospital riba responsabilidad di cada partido den e proyecto aki, specialmente pa loke ta mantencion. Pa loke ta Arellano, ya caba hospital a bisa cu e parti ey no ta responsabilidad di nan. Awo, el a bisa, tur partido ta tira culpa riba otro y niun ta asumi nan responsabilidad.  Segun e contracto, mantencion grandi ta responsabilidad di SOGA y mantencion chikito ta cay pa hospital. Pero no ta specifica kico ta cay bou di mantencion grandi y chikito.

Aworaki, e mandatario a splica, tin placa presupuesta pa e proyecto te cu september / october 2020. Y si e no finalisa pa e lunanan ey, Aruba ta hay’e cu otro reto financiero. Lo mester bay busca financiamento pa caba cu e proyecto. P’esey ta importante pa haci un investigacion aworaki. SOGA a informa Gobierno cu hospital ta culpabel pasobra cada biaha ta cambia “scope” di e proyecto, haciendo gastonan extra. Manera a sosode cu sala di operacion, unidad di cuido di intensivo. E pregunta ta, kende ta responsabel pa tur loke a lubida di inclui den e proyecto. Tin 43 incidente registra durante e periodo di construccion cu hospital ta bisa cu ta Arellano tabata negligente pa esaki. Gobierno kier un investigacion pa mira si por pone nan responsabel, haci un claim y si por logra un reduccion den e suma cu mester bay paga na final di e proyecto.

Director Te ainda no a pone un director nobo despues cu Hunta di Supervision a retira Teo de Kool, kende tabata director financiero. E tempo ey a bisa e Hunta cu director financiero ta hopi importante pa hospital. E ta haya cu e Hunta a tarda demasiado tempo pasobra casi un aña despues ta bin yega na e proceso pa busca un director financiero. Tin 5 candidato di cual mayoria ta Arubiano. Minister Oduber ta spera cu e escogencia por cay riba un Arubiano pa yuda guia e hospital, yuda pa mehora cuido y servicio. Na Aruba tin suficiente Arubiano bon prepara pa ocupa un puesto asina. Cilie su contracto cu hospital ta finalisa e aña’ki, net na momento cu el a yega su edad di pensioen tambe. A expresa caba na e Hunta cu lo ta bon pa busca di biaha e persona cu lo reemplase Cilie pa e dos directornan nobo por cuminsa cu e maneho hunto.