Gobierno: Tin tres caso mas (77) confirma di Coronavirus

3721

Mientras cu Gobierno ta boga pa sigui haci mas test posibel, e cantidad di casonan confirma awe ta subi cu tres, pa asina bira 77 caso positivo riba nos isla. Aunke cu mester tene cuenta cu tin 14 pashent cu a cura completamente di e virus, cu ta pone cu actualmente nos tin 63 caso activo ainda.

Na tur a test no menos cu 990 persona caba na Aruba, di cual 910 a test negativo, nos tin 3 resultado pendiente, tin 349 persona den cuarentena y danki Dios cu Aruba tin 0 morto. Ayera a informa cu tin 10 di e personanan aki ta interna den Hospital, di cual 3 di nan ta den cuido intensivo (ICU). Di e tresnan ey, Minister Dangui Oduber a informa cu un di nan ta den un situacion critico, pa cual a pidi oracion pe.

Gobierno ta pidi comunidad di Aruba pa tene nan mes na e reglanan impone den Shelter in Place durante dia y anochi durante Toque de Queda. Mas nos keda cas y stroba e virus di plama riba nos isla, mas protehi nos ta keda tambe y menos caso lo bini padilanti. Minister Dangui Oduber a subraya e falta rond mundo pa cambernan di ICU y pa aparatonan di ventilator, pa cual mundo henter ta haciendo esfuersonan grandi pa keda cas y no sigui plama e virus.