Gobierno ta subsidia Carnaval cu 75 mil florin

Minister di Finansa, Asuntonan Economico y Cultura, mr. Xiomara Ruiz-Maduro a entrega e Decreto Gubernamental den cual ta subsidia carnaval cu 75 mil florin e aña aki. E mandatario ta considera carnaval un actividad cultural, economico y turistico importante pa nos pais. E organisacion, participacion y e musica ta locual ta haci e exposicion cultural aki posibel.

Den cuadro di esaki Minister a reuni cu SMAC y MUSICA pa brinda un aporte financiero di 50 y 25 mil respectivamente pa por cubri un parti di e gastonan grandi cu e organisacion di Carnaval ta trece cune. Separa di Gobierno, otro entidadnan di Gobierno tambe ta aporta cu subsidio, manera ta Aruba Tourism Authority, Aruba Airport Authority, Setar y Serlimar.

Presidente di SMAC, Shannon Lopez-Henriquez hunto cu Minister Xiomara Ruiz-Maduro, encarga entre otro cu maneho di cultura di nos pais.

Minister ta desea tur dos organisacion cu ta traha na bienestar di Carnaval di Aruba hopi exito y ta spera cu na final di e periodo nos por mira bek na un Carnaval 65 exitoso yena cu un vibracion positivo pa nos pais.

Minister Xiomara Ruiz entregando e Decreto Gubernamental na Stichting MUSICA encarga cu organisacion di Festival di Caiso & Soca Monarch