Gobierno ta disgusta cu ehecucion di Watty Vos Boulevard

“Ta cu placa di pueblo ta paga e diferente proyectonan tumando luga, entre otro Watty Vos Boulevard”, asina Minister Otmar Oduber, encarga entre otro cu maneho di infrastructura riba nos isla a indica.

E mandatario a comenta riba e ultimo desaroyonan, ora un representante di MOTA Engil no kier habri e caminda, mientras DOW ta bou presion pa habri e caminda bek pa miho fluho di trafico. E contratista kier caba cu e trabao completo, pa despues habri e caminda.

Gobierno ta disgusta cu ehecucion di Watty Vos Boulevard

Gobierno ta disgusta cu ehecucion di Watty Vos Boulevard

Posted by 24ora on Wednesday, October 17, 2018

Segun Minister di Infrastructura, Otmar Oduber, comunidad no ta critica solamente e tardansa rond di construccion di e rotondenan, sino mas bien e liñanan mal pinta por ehempel. “Ta pasobra a pone presion pa habri e camindanan, conforme e contract cu tin, pa trafico por a alivia un poco. Imagina si tur e rotondenan aki, cu tur e camindanan aki mester ta cera, te ora cu nan entreg’e na December otro aña”.

Hopi trabao ta mara na Watty Vos Boulevard. Ora cu mira con ta drecha e camindanan di Noord, Ponton, tur ta parti di Watty Vos Boulevard.

E reto ta, segun Gobierno, cu DOW no tin mucho di bisa riba nan. Imagina cu laga tur esakinan cera te ora cu e proyecto wordo entrega completamente. E ta algo absurdo. Ta e fout cu a haci na momento di cera e contract aki, cu no tabatin conocemento, no tabatin e experticio pa por a tuma den consideracion cu nos ta un isla chikito, cu e concentracion di trafico cu nos tin, cu ta net ey e trabaonan ta tumando luga awor den forma simultaneo.

“Bo no por sigui cera mas caminda”, e mandatario a comenta. “Gobierno ta disgusta cu e ehecucion di e proyecto completo, pa loke ta trata e forma con e ta tumando luga. Lamentablemente el a wordo mara den e contract firma tres aña pasa”.