Despues di anuncia of confirma 9 caso positivo di coronavirus, Prome Minister Evelyn Wever Croes, a splica tambe cual ta e siguiente medidanan pa trata di wanta aumento di e casonan positivo di COVID-10.Un biaha mas a bisa cu e hendenan tin sintomanan leve y cu di e 8 casonan nobo, 6 ta di di e institucion psychiatrico RESPALDO.Den e proximo dianan por spera mas caso, mirando cu a aumenta e cantidad di testnan cu ta haci diariamente. Mas lihe y mas tempran detecta e casonan, ta evita cu nan ta infecta otro hendenan. Nuebe confirma riba un dia ta haci cu Gobierno ta aumenta e medidanan.Esaki ta nifica cu manece diadomingo awo ta introduci “shelter in place”.
Esaki ta nifica cu e hendenan ta prohibi pa sali di cas, solamente pa algun excepcion. Esaki ta cumpra cosnan pa alimenta bo mes y pa salud. Tambe por sali pa haci ehercio y landa, kedando dos meter leu di otronan.
Entrega di materialnan ta posibel den dia. Por sali pa cuida un persona cu no por cuida su ems y si bo ta traha na un instancia escencial. Pues no ta papia di un shutdown. Otro decision cu a tuma ta cu ta cera frontera pa residentenan riba e mesun fecha. Pues ningun residente por bolbe Aruba mas.Cu esaki ta traha pa contene plamamento di e virus mas.
Dr. van Gaalen di RESPALDO a splica cu a haya 5 empleado cu ta malo, di cual uno a cura caba, y un tin mas sintoma cu e otronan.Vanessa Tjon Kock di Cuerpo Policial a splica cu nan a ricibi 15 mil peticion pa “ontheffing” di negoshinan cu ta pidi esaki. Ta dificil pa duna excepcion y ta bay filter tur e peticionnan awo pa mira con ta bay categorizanan den e MB traha. Pa loke ta e accion di e anochi prome, el a baha na 18 di cual mayoria ta problema cu hobennan. El a sigura tambe cu nan ta tratando di limita e cantidad di personanan na supermercadonan y ta haci peticion na e negoshinan aki pa wanta e peronanan for di otro, pa cumpli cu e concepto di distanciamento social.
