Gobierno: Nos ta sigui dialoga cu Hulanda pa logra fiansa

2866

Despues di Conseho di Minister di Reino, Premier mr. Evelyn Wever-Croes a duna di conoce cu Aruba y Hulanda ta bay den dialogo pa yega na otro riba e fiansa di 3e tranche. Den e proceso aki e puntonan di bista di Aruba lo wordo treci padilanti pa tene cuenta cu ne.

Aruba no por acepta e condicionnan cu a wordo poni comienso di e siman aki pasobra no a delibera cu Aruba riba dje. Aruba ta compronde cu kier bin cu entidad y cu mas supervision awor cu nan a presta Aruba 200 miyon florin caba y ta bay presta Aruba 200 miyon mas.

Resultado di Conseho di Minister di Reino na Den Haag, Hulanda

Resultado di Conseho di Minister di Reino na Den Haag, Hulanda

Posted by 24ora on Friday, July 10, 2020

Aruba y Hulanda ta bay den dialogo pa yega na otro riba e fiansa di 3e tranche riba termino corto.

Hulanda a duna Aruba hopi compliment pa e maneho financiero hiba pa mehora e situacion financiero y a indica di lo kier sigui yuda Aruba. E dialogo pa yega na otro a cuminsa mesora.

Premier Evelyn Wever-Croes ta optimista y tin confiansa cu pronto por sali afo pa Aruba por haya e fiansa. “Nos no a keda cla completamente ainda, pero tin un apertura, tin oportunidad cu no tabata tin prome cu mi a bin Hulanda. Nos ta realisa cu hunto nos mester sali di e crisis aki y mi tin tur confiansa cu nos lo logra” Premier Evelyn Wever-Croes a duna di conose.