Gabinete Rutte di Hulanda kier prohibi operacionnan medico den cual ta haci e hende muhe “señorita” atrobe. Di acuerdo cu Gobierno, e operacionnan aki no ta pas bou di e normanan y balornan na Hulanda.
Den comunidadnan unda e honor di famia ta escencial, mayornan ta desea pa nan yiu muhe keda “señorita” te na e anochi di casamento. Ta estima cu hopi hende muhe ta haciendo e operacion aki na Hulanda, pa garantisa cu nan ta “sangra” ora di haci sex riba e prome anochi.
Nan a hasta traha un clinica special pa haci e operacionnan aki na Amsterdam y ta cobra mas o menos 1100 Euro. Seguro ni Gobierno ta cubri e operacion aki, pues ta e pashent mes lo mester cubri’e. Ta sinti cu specialmente den otro culturanan, e mayornan ta te hasta obliga e yiunan pa haci e operacion pasobra riba nan anochi di casamento, mester mustra klechi di cama cu prueba di sanger. Un mito cu Gobierno di Hulanda kier stop y hasta prohibi.
Gobierno na Hulanda ta hinca e reto aki awor den man di e organisacionnan medico. Si despues di dia 1 di juni 2020, ainda ta haciendo e operacionnan aki, anto lo evalua e ora pa bin cu un prohibicion!
