Gobierno evaluando reapertura di vuelonan for di Merca

Durante e conferencia di prensa awe nochi, Minister Presidente mr. Evelyn Wever-Croes a indica cu e crisisteam ta reevaluando nan decision pa habri frontera bek cu Merca dia 10 di juli proximo. Probablemente e ultimo desaroyonan den e estado di Florida banda di e hecho cu Epidemiologo di Corsou a adverti Aruba di e riesgo cu nos ta coriendo aki, cu a opta pa revisa e decision.

Minister Presidente a sigura cu na ningun momento tabata e intencion di habri frontera si e condicionnan no ta apto pa haci tal. Ta tene cuenta cu mester tin un balans entre e desaroyo economico di nos pais, cu ta depende totalmente riba e turistanan Mericano y di otro banda e retonan di salud cu nos ta confrontando.

Gobierno evaluando reapertura di vuelonan for di Merca

Gobierno evaluando reapertura di vuelonan for di Mercahttps://24ora.com/gobierno-evaluando-reapertura-di-vuelonan-for-di-merca/

Posted by 24ora on Wednesday, July 1, 2020

Contrario na otro destinacionnan, Gobierno a bisa cu orguyo cu Aruba ta canando dilanti den e medidanan di siguridad cu ta aplicando pa evita cu hende contagia por drenta nos isla. Ta haci esaki dor di obliga nan di cera un seguro y di haci test na nan yegada na Aeropuerto. Ta spera cu e medidanan preventivo aki lo tin un efecto positivo ora cu habri fronteranan bek.

Aunke cu ta reevaluando e decision, no por bisa cu tin un decision asina. E decision te awor ta cu Aruba ta habri pa Merca dia 10 di juli pero cu awor tin e opcion pa habri parcialmente for di Merca, pues por ehempel New York si pero Miami no. Esey no tabata posibel prome pero despues di delibera cu Consul Mericano na Corsou, a logra cu por haci e distincion ey.