Gobierno di Hulanda mester sa kico tur ta sosodiendo na Aruba, pasobra no ta normal cu un Prome Minister ta enrikese su mes di e forma aki, sin escrupulo, cu placa di pueblo, asina Melvin Tromp, vocero di Fraccion di partido AVP den Parlamento a bisa para pafo di oficina di Vertegenwoordiging van Nederland in Oranjestad, VNO, situa na L.G. Smith Boulevard # 44. El a entrega Minister di Binnenlandse Zaken & Koninkrijksrelaties, Raymond Knops, un copia di henter e “dossier” cu pruebanan cu a duna Ministerio Publico.

Tromp a sigura Knops cu Fiscal di Ministerio Publico a tuma e keho y e pruebanan y a keda di haci un investigacion preliminar pa dicidi si ta start un investigacion penal contra Prome Minister mr. Evelyn Wever, su tata Hendrik Croes y e bufete di abogado cu e ta(bata) afilia na dje, esta Croes, Wever & Ruiz, kende a comberti su mes casi den “huisadvocaat” di Gobierno y companianan di utilidad cu ta resorta directamente bou di Prome Minister Wever.

Minister Raymond Knops ta ricibi carta di keho contra Prome Minister Evelyn Wever-Croes

Minister Raymond Knops ta ricibi carta di keho contra Prome Minister Evelyn Wever-Croes. Click link pa mas https://24ora.news/2R9aEFi

Posted by 24ora on Monday, January 13, 2020

E mandatario Hulandes a acepta e documentonan, pero a bisa mesora cu, manera tur hende sa, esun cu kier entrega un keho penal, mester haci’e na Ministerio Publico. E hecho cu e ta acepta e documentonan no ta pasobra e kier haci un “politiek statement”, sino pasobra e ta pensa cu e mester por topa y papia cu tur hende den comunidad y scucha nan dolornan y kehonan, si nan tin.

https://business.facebook.com/24ora/videos/869212456844043/

Comments

comments