Siman pasa dia 10 di juli, Gobierno di Hulanda a manda un otro suma cuantioso di no menos cu 25,2 miyon Euro pa e tres islanan, pa sigui yuda den entrega cuminda na esunnan den necesidad, pa e lunanan cu ta sigui nos dilanti. Pa distribui e cuminda, Hulanda ta traha cu fundacionnan local, cu conoce e mercado y e grupo den necesidad. E coordinacion di ayudo ta den man du Cruz Cora di Hulanda. Ta bon pa aclaria cu e ayudo di cuminda cu Cruz Cora Aruba ta coordinando localmente na e momento aki, ta bon for di fondo di Gobierno di Hulanda.
Ayera diamars e empleadonan di e oficina di Representacion di Hulanda na Aruba (VNO) a yuda Fundacion pa nos Comunidad (FPNC) den yena saconan di cuminda cu ta parti na esunnan den mas necesidad. Dor di Covid-19 y e crisis economico cu a bin su tras, e fundacion a hay’e cu un aumento drastico di peticion pa cuminda. Pa e motibo aki na luna di mei ultimo, Gobierno di Hulanda a haci un donacion di 16 miyon Euro pa yuda cu cuminda na Aruba, Corsou y Sint Maarten, cu mester a yuda pa un periodo.
