Prome Minister Evelyn Croes, Conseho di Minister di Aruba hunto cu instancianan financiero y economico local a haci un calculacion di e daño cu e pandemia COVID-19 (coronavirus) tin riba Aruba. Den cuadro di esaki e mandatario a manda un carta pa prome minister Mark Rutte, splicando e situacion, cu no ta bay cumpli cu e surplus programa. Y na mesun momento ta mustra kico lo bay busca como prestamo debi na e perdida grandi di entradanan di turismo y sectornan relacion cu turismo, pero tambe ta haci peticion pa ayudo den forma di un donacion.
Aunke Aruba a laat cu e peticion aki, mirando e reunion di e paisnan di Reino ta tuma luga diabierna, e mandatario ta haci un apelacion fuerte na Conseho di Minister di Reino pa atende e tema aki di forma urgente.
Loading…
Reload document 
Open in new tab Den e carta por lesa cu ta pidi pa un donacion di 250 miyon euro pa apoya presupuesto; ayudo pa haya un prestamo di 250 miyon euro pa paga durante 30 aña, pero cuminsando te aki tres aña; un contribucion di Hulanda pa financia e fondo di FASE (Fondonan Asistencia di Emergencia) den forma di un donacion di 150 miyon euro; y un suma, cu lo wordo splica despues, pa reconstruccion di e pais.
E motibo di e cifranan ta no ta logra e surplus di 46 miyon den 2020; e entradanan di b elasting lo baha cu mas o menos 524 miyon florin (sin conta e entrada calcula cu lo a haya di e di dos fase di Reforma Fiscal). Ta bay sinta un caida fuerte di 80% di entrada di turismo pa cual lo surgi un deficit financiero di 1.3 biyon florin.
Prome Minister ta bisa den su carta cu e intencion ta pa busca un prestamo di 361 miyon florin. Esaki ta destina pa paga debenan di prestamonan cu ta vence e aña’ki.
