Memey di tur turbulencia Gobierno a logra cumpli cu e ‘debt service’ pa nos pais pa aña 2020. Na maart a logra cera e prome transaccion di 36 miyon dollar y na juni ta logra un transaccion di 253 miyon dollar. Apesar cu e crisis ta afecta e credibilidad financiero di Aruba, inversionistanan ta sigui kere den Aruba.
Banconan grandi manera Credit Suisse, FCIB y CIBC a keda cu confiansa den Aruba. Cu e transaccionnan aki, Aruba a manda un señal positivo na e mundo financiero cu Standard and Poor’s, Credit Suisse, FCIB y CIBC tin tur confiansa cu e hendenan di Aruba tin e capacidad pa mobilisa y e fortalesa moral pa cumpli cu nan responsabilidad financiero hasta den momento di crisis.
Inversionistanan a mustra cu Aruba ta un Pais solido pa nan inversion. Danki na tur cu a traha duro pa haci esaki posibel pa nos pais.
