Ayera Stichting voor Verstandelijk Gehandicapten Aruba (SVGA) y Ministerio di Asunto Social y Labor di Gabinete Wever-Croes a duna un gran danki na Hotel RIU den persona di su gerente general Juan Blanco pa nan generosidad y solidaridad social cu e sector social na Aruba.
SVGA a ricibi un donacion hopi importante di RIU Resorts cu na Aruba ta opera no menos cu dos hotel, esta Riu Palace Aruba y Riu Palace Antillas. E donacion sin duda lo yuda mehora e calidad di bida pa nos muchanan special.
Minister Glenbert Croes a bisa cu “Hunto nos lo duna tur nos muchanan un futuro social nobo”. Ta spera cu mas hotel sigui e bon ehempel di RIU Resorts, den duna bek na comunidad y sostene e mesun comunidad unda nan ta opera.
