Gobierno a nenga Digicel licensia di “Fiber”

4774

Despues di ta warda pa añanan largo y riba ordo di Hues cu a duna e dia di ayera como “deadline”, a drenta e carta tan spera. Den e carta Minister Chris Romero di Comunicacion ta nenga Digicel Aruba e licensia cu nan a pidi pa bin cu un kabel bou lama di fibraoptico y tambe pa por core kabelnan di fibraoptico riba tera. Te cu awor Setar tin e monopolio y como tal ta maneha e disponibilidad di “bandwith” y capacidad di data cu tur usuario ta rekeri riba nos isla, sea ta cliente di Setar of no.

Abogado mr. Dello Gomez, den su calidad di Presidente di e Hunta di Directiva di Digicel Aruba a lamenta e decision di Minister Romero. Di otro banda, el a acepta e invitacion di e mandatarionpa start un bataya legal den Corte. Ta mas cu obvio cu e mandatario ta optando pa core pa su responsabilidad den tuma decision y mas bien ta invita e Hues awo pa sinta den su stoel. Digicel ta lamenta e falta di vision y tumamento di decision di e mandatario, cu na final lo costa Digicel y Gobierno hopi mas placa na bataya legal, tempo perdi y oportunidadnan economico cu nos mes ta laga pasa asina sin mas.

Minister Chris Romero a nenga licensia di “Fiber pa Bo Cas” di Digicel

Minister Chris Romero a nenga licensia di “Fiber pa Bo Cas” di Digicel

Posted by 24ora on Friday, November 8, 2019