Minister di Finansas, Asuntonan Economico y Cultura, mr. Xiomara Ruiz-Maduro a anuncia tarifanan valido pa combustibel entrante mañan 10 di april 2019.
Den liña grandi por bisa cu e prijs di gasolin ta keda mesun cos, pero diesel y kerosin ta conoce un aumento chikito.
- Gasolin unleaded-premium: 197,7 cen p/ltr. (+/- 0,0 cen)
- Diesel LS: 181,1 cen p/ltr. (+ 3,8 cen)
- Kerosin: 167,8 cen p/ltr. (+ 0,1 cen)
E prijsnan ta inclui BBO/BAZV/BAVP
Gobierno a reuni cu RDA pa por yega na un forma pa calcula prijs di benta di producto petrolero na un manera structural saliendo fo’i e prijs di compra y reserva di e productonan aki pa RDA.
Pa luna di april a dicidi cu RDA ta absorba e subida di 16,2 cen. Asina cu finalisa e negosacion cu RDA, Gobierno a keda di lo indica kiko lo ta e structura nobo.
