Riba su di 4 dia den su funcion como Minister, Glenbert Croes a bishita Departamento di Asuntonan Social unda cu e empleadonan y e directora a dun’e un recepcion sumamente caluroso pa cual e ta masha agradecido.
Despues di e encuentro, e reunion di trabou y orientacion a inicia unda cu Minister a expresa su apoyo total pa den un esfuerso conhunto nos cuminsa traha pa trece solucionnan social cu ta efectiyvo pa henter nos comunidad pa asina nos por combati pobresa na Aruba berdaderamente.
Apesar cu Minister tin su atencion pa henter comunidad, e necesidad di nos muchanan, hobennan y Mamanan y famianan ta e sectornan cu Minister kier pone emfasis riba dje. “Nos kier pa tur nos Tatanan, Mamanan hobennan y yuinan haya un bida y un futuro nobo cu nos lo crea pa nan cu nos maneho nobo”.
Reunionnan lo continua. Y Minister a expresa su aprecio pa e labor di tur e trahadornan den e ramo social y e persona den funcion di Minister di Asuntonan Social ta e nr 1 yama pa ta e trahador social di nos Pueblo hunto cu tur trahador social na Aruba.
