Siman pasa Algemene Rekenkamer (ARA) a entrega su rapport y a indica cu a paga FASE di forma ilegal. Riba esaki minister di labor, energia y integridad a reacciona y a indica cu si e ley no pasa, su persona lo para responsabel p’esaki.
Minister di Labor, Energia y Integridad, Glenbert Croes, a expresa di no sa ken lo para responsabel pa tur e gastonan di FASE ora cu a puntr’e riba e parti si no regla na tempo of ley di FASE no pasa den parlamento incluso si tin cambio di signatura. E ta kere cu despues di esfuerso grandi cu gobierno di Aruba a haci pa yuda tur famia, tur hende cu a perde entrada, a perde trabou.
E mandatario ta kere cu tin mas les pa siña di e experencia aki pa futuro cu realmente. Durante e proceso di FASE, un comentario cu Croes a tende tabata di a duna FASE a base di color politico. E ta kere cu e personanan di mas critico riba dje, di cual e mandatario a scoge pa uza 24ora como ehempel, “boso sa cu no a weita color politico den ful e proceso.” Como minister encarga cu FASE e tin acceso na tur hende cu a haya esaki.
Croes a expresa di ta orguyoso, tambe ta compronde cu tur kier lubida e capitulo di FASE, e dolornan di calamidad di Covid-19. Tambe el a expresa cu e lo para responsabel politicamente pa esaki.
Pa mas lesa TREMPAN.COM.
