Giselle William ta kontentu ku denter di poko sr Marco Pastors direktor di Nationaal Programma Rotterdam Zuid

Riba petishon di Parlamentario Mc William, sr Marco Pastors di Nationaal Programa na Rotterdam Zuid ta bini Kòrsou den delegashon di biahe di trabou di Burgermeester Aboutaleb di Rotterdam pa sondia e posibilidat pa implementá e mes un tipo di programa eksitoso aki di Nationaal Programma di Rotterdam Zuid aki na Kòrsou.

Durante mi bishitá di trabou resientemente na Hulanda  e delegashon di IPKO a bishitá Nationaal Programma Rotterdam Zuid. Na momento ku mi a presensia e presentashon aki mi a tuma nota kon similar e problemanan di retraso sosial di Rotterdam Zuid i di Kòrsou.  Mirando e frutanan positivo ku e progama aki ya ta duna pa e hendenan aki den un área di 200 mil habitante mi a tuma komo enkargo komo Parlamentario pa hasi tur lokual ku ta na mi alkanse pa por sondia e posibilidatnan pa  di e forma aki duna un sosten integral pa yuda desaroyo di esnan mas nesesidat riba nivel sosial.

Nationaal Programma Rotterdam Zuid tin komo meta pa krea perspektiva nan nobo trahando den kuadro sosial i enfokando riba nivel di trabou, bibienda (general) edukashon (hóbennan i mayornan) i seguridat. E meta ta pa un mihó partisipashon den merkado laboral, hisa nivel edukashon i di biba dentro di un periodo di 20 aña. E proyekto aki a inisiá na 2012 i ya kaba ta mira e resultadonan positivo riba e diferente áreanan di enfoke huntu ku stakeholdersnan. Esaki a resulta ku lo inisiá e programa aki tambe na Groningen,ku tambe tin un retraso sosial grandi kompara ku sobra di Ulanda manera ta e kaso di Rotterdam Zuid.

Despues di IPKO mi a topa ku e direktor Marco Pastors di Nationaal Programa i splika e situashon aktual di Kòrsou i wak e posibilidat pa Kòrsou por haña sosten di e programa eksitoso aki huntu ku Ministerio di SAOW i nos eksperto nan lokal riba e diferente áreanan di enfoke. Despues di e enkuentro aki mi a hiba kòmbersashon ku Bugermeester Aboutleb ( e VZ di Nationaal Programma) i a indika na su persona ku lo ta un idea pa nos por sondia e posibilidat pa algu asina na Kòrsou. Tantu Marco Pastors i Burgemeester Aboutaleb tabata hopi positivo pa ku e petishon aki i ku lo inkluí Marco Pastors di NPRZ tambe den e biahe di trabou ku ya tabata plania di e Burgermeester pa fin di Sèptèmber próksimo. Durante e siman aki direktor Marco Pastors di NPRZ lo bai hiba diferente kòmbersashon ku e diferente stakeholdersnan enkabesá pa Ministerio di SAOW pa sondia e posibilidat pa konhuntamente ku Rotterdam implementá e proyekto sosial eksitoso aki i asina aportá na desaroyo integral di nos pais dor di duna apoyo na esun nan ku mas mester di esaki den nos pais riba nivel sosial.

Comments

comments