Giovanni Arendsz oficialmente candidato di AVP

139

Diamars anochi e famia grandi di AVP a bini hunto pa yama bon bini na un miembro y tambe su hopi sostenedornan. Riba veld di bala di ex Club Caribe a introduci Giovanni Arendsz como candidato nobo di Partido di Pueblo Arubano AVP. Ex Minister di Salud y Deporte Richard Visser a asisti na e evento pa formalmente duna su sosten na e candidato nobo. Arendsz ta pone su trayectoria largo y resaltante na disposicion pa enfoca riba deporte comprometiendo su mes pa traha pa esaki ta mas accesibel ainda na tur mucha y hoben, pero tambe na comunidad en general. Lider di partido a gradicie pa su confiansa den e organisacion politico y pa su boluntad pa, hunto cu e ekipo di AVP, sigui hiba nos isla dilanti.