Gino Winklaar no por handle KIA: Stress y cansancio ta pone hasta full K-9 Team Meld Ziek

8833


E director di nobo na KIA no por handle e instituto coreccional. E cantidad di hende cu ta malo ta causando un problema serio pa e seguridad di e prison. Den fin di siman e cantidad di AO Melding tabata asina halto cu e director kier a obliga full e K-9 pa subi dienst di esnan cu a meld ziek. E unidad di K-9 tin otro tarea.

E unidad aki ta consisti di 11 personal.  Na dado momento tur 11 personal a meld ziek mainta. Esaki a cay den mal tera cerca maneho di KIA. Tur cos ta mustra cu diamars mainta nan ta bay haya un prohibicion pa bin trabou. Lo cuminsa un investigaicon disciplinario mesora contra e miembronan di K-9 di KIA. Mirando e situacion na KIA ta confirma cu Gino Winklaar no tin control riba KIA. Aunke ta purba tapa y tene tur cos keto, awe por mira cu e bomb ta den explota na Santo di Patia.

Si nan manda 11 hende cas nifica cu e situacion ta bira pio na KIA. E falta di personal na KIA y presion di trabou ta pone cu e trahadornan ta meld ziek pa asina por sosega. No tin otro forma. E minister di Husticia Andin Bikker  ta perdi y no sa mes di KIA. E director nobo a bandona Cuerpo Policial pa bay purba drecha KIA y te awe no a logra nada. Pa colmo dia el a bay KIA a pone condicion pa garantiza su regreso den Cuerpo Policial si un dia cos bay robez.

Accion di Polis pisa den KIA: Varios telefon y droga haya den piso di HVB

Posted by 24ora on Monday, July 13, 2020

Desde cu Gino Winklaar a drenta no a tende nada di un of otro logro positivo den KIA. Interesante pa sa kico lo pasa Diamars mainta si suspende 11 miembro di K-9. Gino Winklaar tin hende? Esey lo yuda baha e stress y tension na KIA cerca otro coleganan? Demas coleganan lo sali pa nan coleganan suspendi? Desaroyonan interesante na KIA pa mal maneho y un prison cu trahadornan demotiva.