Gina Maduro di ABV: Trahadonan di SABA no lo bay haya nan placa di pagonan atrasa

SABA su situacion ta diferente cu esun di hospital. E problema di SABA cu el a introduci un output subsidie nobo.

Ban wak si e gobierno actual lo bay revista e output subsidie nobo aki. Segun Gina Maduro, presidente di ABV, e output subsidie no ta malo, pero e ta proteha e dunado di trabao, pero e beneficionan secundario di e trahadonan, no ta hinca aden y esey no tin proteccion.

Ainda tin otro cosnan pendiente

Loke tabata cosnan pendiente ta pagonan atrasa di bevorderingnan cu empleadonan di SABA ta warda for di 2002. Berdad cu a sinta cu minister Schwengle den varios reunion y a yega na un acuerdo unda cu prome cu eleccion mes, cada trahado a haya un MB, unda cu nan lo haya nan pagonan, parti den tres aña, mirando cu e suma ta basta grandi. Un parti ta haya na 2018, un parti na 2019 y e otro den 2020. Pero cu sorpresa a wordo informa door di gerencia di SABA, cu e suma, esta e placa aki no a wordo presupuesta. E trahadonan atrobe a wordo engaña. Nan tin un MB den nan man, pero e minister anterior no a begroot e suma aki cu consecuencia cu e aña aki no lo ricibi nada. Esey ta pendiente cu e minister actual cu a sinta, con ta bay hinca e suma aki den presupuesto, pasobra e aña aki e no tey. Pero pa otro aña pa e trahadonan cuminsa haya nan pago.

Presupuesto 2018

Maduro a splica cu e suma aki mester a wordo hinca den e presupuesto di aña pasa, pero e no tabata aden. E trahadonan a spera e pago pa e aña aki, pero no tabata den e presupuesto.

Mester a pag’e, pero no tabata tin un fecha. Pa cuminsa mira placa e aña aki, pero nan lo no mira nada, pasobra e no ta den begroting.

Ta bezig cu minister

ABV ta bezig cu e minister awor aki. A tende for di gerencia di SABA na fin di April. Eynan e director a pone e sindicato na altura di e situacion. Pa ABV tambe tabata un sorpresa. Di biaha a purba di tuma contacto cu e minister y ta wardando pa sinta cu e minister pa wak con ta sigui cu e parti aki.

Imsan

Imsan tin cierto beneficionan hopi mas miho compara cu hospital. Nan tin beneficionan secundario miho cu SABA. Nan tin cierto cosnan cu tin cu mehora. Nan personeelbestand no ta mesun cos cu hospital. Nan ta mas of menos un 165 empleado, compara cu hospital cu ta riba 1000. E volumen ta hunga un rol tambe. Si ta negosha un CAO unda cu tin menos empleado, e chens ta mas grandi. Pero mas grandi e volumen di empleadonan ta mas dificil e ta pa negosha.

Cinco CAO pareu

E ta hopi trabao, hopi tempo. E ta rekeri hopi tempo pa wak pa por logra un bon CAO y banda di esaki tambe, los di e CAOnan individual, dunadonan di trabao tabata e idea mes, como sindicato, mirando cu nan ta den diferente institucion, pa bin cu un CAO mas amplio unda cu ta conta pa tur institucion di cuido. E dunadonan di trabao mes a tuma e iniciativa, y nan ta reuniendo pa e parti aki y pronto lo trek bij e tres sindicatonan cu tin mayoria den e institucionnan cual ta ABV, FTA y SEPPA pa sinta hunto pa wak con ta yega na esey. Kier yega na un estilo mescos cu Hulanda, unda cu tin un CAO cu ta aplicabel pa tur institucion di cuido.