Ghislaine Grant a haya reconocemento na su trabou

Awe, un dia prome cu celebra Aruba su Himno y Bandera, Caribbean Mercantile Bank a dedica algun palabra di aprecio pa nan colega Ghislaine Grant.

Esnan cu a sigui e festival di “Un canto pa Aruba su Himno y Bandera” fin di siman cu a pasa, por a nota cu e cantica cu mas a resalta y ganado den categoria di adulto tabata esun canta door di Ghislaine Grant.

Un cancion cu den poco palabra ta canta di nos bida na Aruba, con nos ta biba cu e retonan di tur dia, pero cu asina mes nos como Arubiano ta hende dushi, contento, amabel y cariñoso.

Pa esnan cu conoce Ghislaine Grant sa cu e ta un “goal getter”, un persona cu caracter fuerte, determina pa cumpi cu su metanan, y semper sigur di su mes.

Ghislaine, tur colega na CMB ta yama bo pabien! Bo ta inspira tur pa supera tur dia y logra nivelnan nobo, bunita yena cu alegria. Masha masha pabien