Gerrit Schotte: Mi ta sali na paz

1597

Esaki tabata e prome palabranan cu e politico condena pa labamento di placa y corupcion a bisa prensa cu tabata ward’e na salida di prizon.

Na mesun momento el a haci apelacion na su simpatisantenan pa “no bin brasami. Shonnan no lubida cu tin un pandemia, mantene distancia. Mi ta aprecia cu boso ta aki, pero mi ta wak television tur dia y ta mira cu e casonan ta aglomerando mas,” el a bisa.

Schotte a haya un castigo di 3 aña pa corupcion gubernamental y labamento na aña 2018. Despues di a sinta dos tercera parti di su castigo, e ta bini na remarca pa haya libertad condicional.

E tabata mustra hopi trankil na momento cu atende cu prensa y a bisa nan “mi a drenta cu e Bijbel den mi man y mi ta sali cu ne den mi curason. Mi ta gradici tur esnan cu ta aki.” Asina cu el a sali di e portanan di prizon, el a papia telefonicamente cu su yiunan. 

Den prizon, el a bisa, el a laga hopi amigo atras y no a huzga ningun di esnan cu ta eyden. Cu lagrima na wowo el a bisa di ta spera di por tin y haya “un fair chance pa rehace mi bida” bou grito di “Dios ta cu bo” di su simpatisantenan. 

E ta sinti cu e ta un persona diferente awo, pasobra el a siña alaba y adora Dios. Tin momento cu el a cay suela durante e 24 lunanan cu el a pasa den isolacion. “E no ta un situacion facil, pero el a cambiami pa bon.”

Gerrit Schotte: Mi ta sali na paz

Gerrit Schotte: Mi ta sali na paz

Posted by 24ora on Friday, November 27, 2020

Ki ta bay haci awo, el a bisa,  “mi ta mira y biba e dia di awe y no ta bay wak den pasado ni mira pa futuro.” Awo e prome plato ci e ta bay come como homber liber ta loke e y su casa ta gusta “Indian Food”.