Parlamento a trata presupuesto 2023 di DOW cu ta e Fondo pa mehora infrastructura publico. Parlamento a haya lista di e careteranan scogi pa mehora, cual ta cinco. Entre nan tin e caminda dilanti sede di MEP y ta costa 325 mil florin.
mr. Gerlien Croes, parlamentario (AVP), a indica cu a trata e presupuesto di DOW mas trempan cu e otro añanan anterior. Ta preocupante e discrepancia cu tin pa loke ta e maneho presenta y loke ta comparti cu comunidad. Durante Croes su desertacion, e parlamentario a puntra con ta posibel cu ta presupuesta suma grandi pa loke ta drechamento di RWZI. Un otro minister a sali den media bisando cu na januari RWZI ta cay bou di WEB.
Ta mustra cu no tin union y no tin un linea di maneho den e gobierno aki, pasobra un ta bisa un cos, un ta presenta algo otro na Parlamento di Aruba. E parlamentario a enfatisa cu mester di un clarificacion kico ta bay pasa cu RWZI pariba. Mester duna Aruba en berdad kico ta bay sosode.
Tambe a puntra riba e efectonan cu ceramento di dump pa DOW. Makinaria, e cosnan cu mester hala sushi, tur esey ta material di DOW. Un cos cu a hala atencion di AVP hopi y e parlamentario a remarca ta tur hende tin hopi reto cu locual ta e caretera di Aruba. A haci pregunta riba material cu ta uza, pero tambe e prioridad duna y escogencia haci pa cua caminda ta drecha.
Croes a analisa e ley y e parlamentarionan a haya un lista, cual a kere esey ta pa aña 2023 completo. Pero no ta asina, pasobra a scoge cinco caretera pa drecha. A nota e top cinconan scogi, e ultimo ta Santa Cruz 80 sede di MEP te Santa Cruz 72 88 Food Markt. Esey a pone e parlamentario puntra si esey ta loke prome minister ta pone como prioridad.
Pa mas lesa TREMPAN.COM.