E dos partidonan cu ta sostene gobierno, esta MEP y Raiz, a duna un mayoria pa loke ta e presupuesto 2023. Desde siman pasa e tres partidonan den oposicion, esta MAS, Accion21 y AVP, a duna di conoce cu nan no ta participa den e reunionnan aki.
mr. Gerlien Croes, parlamentario (AVP), a splica cu desde hopi tempo caba oposicion a manda un carta na Presidente di Parlamento. Nan a haya un carta di Minister Presidente y oposicion no tabata di acuerdo pa motibo cu no por a acepta e ley a yega parlamento sin conseho manera debe ser di CAft.
Siman pasa oposicion a manda un carta pa Tweede Kamer, Eerste Kamer, Secretario di Estado. A haci bon duidelijk den e carta cu e procedura n’e forma con nan ta encamin’e, ta algo inconstitucional y no ta algo democratico. E ministernan mester ta suficiente responsabel pa sa na momento cu tin un cambio den ley. Gobierno a bisa cu nan no ta bin cu BTW mas sino BBO. Nan mester sa ley a cambia y tin di trece un conseho adecua cu ne.
Hopi cos a pasa e siman aki y ta purba di despista pueblo dje realidad di e presupuesto aki. Den fin di siman diferente noticia a sali y diamars anochi. E parlamentario ta spera cu pueblo realisa cu na momento nan bisa di pasa un surplus otro aña, esey ta bay a base di medida riba lomba di pueblo.
